మెగా బ్రదర్ నాగబాబు కుమార్తె నీహారిక. 'ఒక మనసు' చిత్రం ద్వారా వెండితెరకు పరిచయమైంది. ఈ చిత్రం నిరాశపరిచినప్పటికీ... నటనాపరంగా నీహారిక మంచి మార్కులు కొట్టేసింది. ఈనేపథ్యంలో ఆమె నటిస్తున్న రెండో చిత్రం "హ్యాపీ వెడ్డింగ్". ఈ చిత్రం షూటింగ్ ఇప్ప‌టికే పూర్తి కాగా, ప్ర‌స్తుతం పోస్ట్ ప్రొడ‌క్ష‌న్ కార్య‌క్ర‌మాలు జ‌రుపుకుంటుంది. నిజానికి ఈ చిత్రం గత మార్చి నెలలోనే విడుదల కావాల్సి ఉంది. కానీ, ఇపుడు ఈ సినిమా రిలీజ్‌పై ప‌లు సందేహాలు నెల‌కొన్నాయి.
ముందుగా మార్చిలో విడుద‌ల‌వుతుంద‌ని అనుకున్న 'హ్యాపీ వెడ్డింగ్' చిత్రం సమ్మర్ రేస్‌లో ఉంద‌ని అన్నారు. కానీ విడుదలకు సరైన తేదీలు విడుదలకు అందుబాటులో లేకపోవడంతో ఈ చిత్రం విడుదలలో జాప్యం నెలకొంది. ముఖ్యంగా, నిహారిక, సుమంత్‌ల కాంబినేష‌న్‌పై సినీ ప్రేక్షకుల్లో పెద్ద‌గా క్రేజ్ లేకపోవడంతో సినిమా రిలీజ్‌కి బ్రేక్ ప‌డింద‌నే టాక్ లేకపోలేదు.
చిత్ర నిర్మాత‌లుగా యూవీ క్రియేషన్స్‌లాంటి భారీ సంస్థ ఉన్నా ఈ మూవీకి హైప్‌ తీసుకురావడంలో పూర్తిగా విఫలమయ్యారనే విమర్శలు లేకపోలేదు. అదేసమయంలో ఈ సినిమా రిజల్ట్ పట్ల నిహారికకు మంచి నమ్మకం ఉండటంతో ఈ మూవీని ఏదో విధంగా ఈ సమ్మర్ రేస్‌లో విడుదల చేయించడానికి మెగా కాంపౌండ్ ద్వారా ప్రయత్నాలు జరుగుతున్నాయనే వార్తలు వినిపిస్తున్నాయి.
కాగా, సుమంత్ అశ్విన్‌, నిహారిక హీరో హీరోయిన్స్‌గా తెర‌కెక్కిన ఈ చిత్రం రొమాంటిక్ ఫ్యామిలీ ఎంట‌ర్‌టైన‌ర్‌గా రూపొందిన‌ట్టు తెలుస్తుంది. పల్లెటూరు... ప్రేమ.. పెళ్లి హడావుడి కాన్సెప్ట్‌తో తెర‌కెక్కిన ఈ చిత్రానికి దేవిశ్రీ ప్రసాద్ సంగీతం సమకూర్చగా, ఫిబ్రవరి 14వ తేదీ అయిన ప్రేమికుల దినోత్సవం రోజున ఈ చిత్రం ఫస్ట్ లుక్‌ను రిలీజ్ చేశారు.
