తెదేపాలో జనసేన భాగస్వామేనంటూ వైకాపా అధినేత జగన్‌ చేస్తున్న వ్యాఖ్యలపై పవన్ కల్యాణ్ ఆగ్రహం వ్యక్తం చేసారు. దొంగపొత్తులు పెట్టుకోవలసిన అవసరం జనసేనకు లేదని తేల్చి చెప్పిన ఆయన... తల తెగిపడినా జగన్‌లా మోడీ, అమిత్‌షాల ముందు మోకరిల్లబోమని స్పష్టంచేసారు.
రాష్ట్రానికి ప్రత్యేక హోదా, ప్రకాశం జిల్లాకు వెనుకబడిన నిధులు ఇవ్వని కేంద్రం వద్ద తన ఆత్మగౌరవాన్ని తాకట్టు పెట్టబోనన్న పవన్... తెరాస, భాజపాలతో పొత్తులపై బహిరంగంగా ప్రకటించాలని వైకాపాను డిమాండ్‌ చేసారు.
