భారీ తారాగణంతో తెరకెక్కించిన ఈ చిత్రం తొలి భాగం ఈ యేడాది సెప్టెంబరు 30వ తేదీన విడుదలైన ఘన విజయం సాధించిన విషయం తెల్సిందే. ఈ నేపథ్యంలో రెండో భాగాన్ని కొత్త సంవత్సరంలో విడుదల చేయనున్నారు. దీనికి సంబంధించి ప్రముఖ నిర్మాణ సంస్థ లైకా ప్రొడక్షన్, మద్రాస్ టాకీస్‌లు విడుదల చేశాయి.
2023 ఏప్రిల్ 28వ తేదీన "పొన్నియిన్ సెల్వల్-2" చిత్రాన్ని ప్రపంచ వ్యాప్తంగా విడుదల చేయనున్నట్టు ప్రకటించారు. చోళ సామ్రాజ్యం నేపథ్యంలో కొనసాగనున్న సీక్వెల్ పార్టు అప్‌డేట్‌ను విక్రమ్, జయం రవి, కార్తీ, ఐశ్వర్యారాయ్ పాత్రల విజువల్స్‌తో రిలీజ్ చేశారు.
తమిళం, తెలుగు, కన్నడ, మలయాళం, హిందీ భాషల్లో ఈ చిత్రం విడుదల కానుంది. ఇందులో జయం రవి, విక్రమ్, కార్తీ, త్రిష, ఐశ్వర్యా రాయ్, నాజర్, శరత్ కుమార్, జయరామ్, విక్రమ్ ప్రభు, పార్తిబన్, ప్రకాశ్ రాజ్, శోభిత ధూళిపాళ్ళ, ఐశ్వర్య లక్ష్మిలు కీలక పాత్రలను పోషించారు. అయితే, రెండో భాగంలో వీరంతా ఉంటారా? లేదా? అనే విషయంపై క్లారిటీ రావాల్సివుంది.
