ముఖ్యంగా, కరోనా తొలి దశ వ్యాప్తి తర్వాత "క్రాక్", "ఉప్పెన" చిత్రాలు థియేట‌ర్‌లో విడుద‌లై మంచి విజ‌యాలు సాధించాయి. సెకండ్ వేవ్ తర్వాత ప‌లు సినిమాలు విడుద‌లైన‌ప్ప‌టికీ పెద్ద‌గా విజ‌యాలు సాధించ‌లేదు. గోపిచంద్ సీటీమార్‌కి మాత్రం మంచి స్పందన వచ్చింది.
క‌బ‌డ్డీ స్పోర్ట్స్ బ్యాక్‌డ్రాప్‌తో యాక్ష‌న్ క‌మ‌ర్షియ‌ల్ ఎంట‌ర్‌టైన‌ర్‌గా రూపొందిన ఈ చిత్రాన్ని సంప‌త్ నంది తెర‌కెక్కించ‌గా, శ్రీనివాసా చిట్టూరి నిర్మించారు. తమన్నా, దిగంగన సూర్యవంశి హీరోయిన్స్‌గా నటించారు. తరుణ్ అరోరా మెయిన్ విలన్‌గా నటించగా, భూమిక హీరో సోదరి పాత్రలో నటించారు.
ఇకపోతే, ఈ చిత్రం తొలిరోజున ప్రపంచ వ్యాప్తంగా రూ.3.16 కోట్ల షేర్ వచ్చింది. ఈ మధ్య కాలంలో మరే సినిమాకు రానటువంటి భారీ వసూళ్లు సాధించ‌డంతో నిర్మాత‌లు ఫుల్ ఖుష్ అవుతున్నారు. ప్ర‌ముఖులు కూడా ఈ సినిమాపై ప్ర‌శంస‌ల వ‌ర్షం కురిపిస్తున్నారు.
