chiru-Rajamouli and others
ఆచార్య సినిమా ప్రీ-రిలీజ్ వేడుక శనివారం రాత్రి హైద‌రాబాద్‌లోని పోలీస్ గ్రౌండ్‌లో ఘ‌నంగా జ‌రిగింది. ఈ సంద‌ర్భంగా రాజ‌మౌళిని ఆకాశానికెత్తేశారు చిరంజీవి. ఆయ‌న మాట్లాడుతూ, రుద్ర‌వీణ సినిమా చేశాం. దానికి నేష‌న‌ల్ అవార్డు వ‌చ్చింది. అక్క‌డ టీ తాగే టైంలో హాల్‌లో ఇండియన్ సినిమా గురించి చెబుతూ వున్న పోస్ట‌ర్లు వున్నాయి. బాలీవుడ్ సినిమాల గురించే ఎక్కువ‌గా వున్నాయి. సౌత్ సినిమాగురించి ఎం.జి.ఆర్‌. గురించి ఫొటో పెట్టి రాసివుంది. అంతేకానీ తెలుగువారి గురించికానీ, క‌న్న‌డ న‌టీన‌టుల గురించి కానీ లేదు. ఇండియన్ సినిమా అంటే హిందీ సినిమా అనేది హైలైట్ చేశారు. చాలా బాధ‌వేసింది. తెలుగు అంటే ప్రాంతీయ సినిమా అనేవారు.
