అలాగే లుక్స్ పరంగా ఎంతో అందంగా కనిపిస్తున్నారు. ఇక అప్పటి నుంచి అపోలో లైఫ్ ద్వారా ఫిట్నెస్, హెల్తీ ఫుడ్ విషయంలో అందరినీ చైతన్యపరిచే వీడియోలను సోషల్ మీడియాలో పంచుకుంటున్నారు. అపోలో డైరెక్టర్‌గా బాధ్యతలు నిర్వర్తిస్తూనే, మరోవైపు సోషల్ మీడియాలో ఫిట్నెస్‌పై సోషల్ మీడియాలు అవగాహన కల్పిస్తున్నారు. ఇప్పుడు ఆమె మరో అడుగు ముందుకేసి యాంకర్‌గా మారి, సమంతను ఇంటర్వ్యూ చేశారు.
ఫిట్నెస్‌కు సంబంధించి పలువురు సెలబ్రిటీలతో వరుసగా ఇంటర్వ్యూలు చేసి, వాటిని తన యూట్యూబ్ ఛానెల్‌లో ప్రసారం చేయాలని నిర్ణయించారు. ఇందుకోసం మొదటి ఇంటర్వ్యూ‌ను సమంతతో నిర్వహించేసి, అందుకు సంబంధించిన టీజర్‌ను తన ట్విట్టర్ ఖాతాలో విడుదల చేశారు.
ఇంతకీ తొలి ఇంటర్వ్యూకి సమంతను ఎందుకు ఎంచుకున్నారని ప్రశ్నించగా ఉపాసన స్పందిస్తూ... ‘నాకు ఇలాంటి ప్రోగ్రామ్ చాలా కొత్త. సమంత నాకు చాలా సన్నిహితురాలు. ఆమె‌తో అయితే నేను రిలాక్స్‌గా చేయగలను' అని చెప్పుకొచ్చారు. ఈ ఇంటర్వ్యూలో ఆమె సమంతను పలు ఆసక్తికరమైన ప్రశ్నలు అడిగినట్లు, సమాధానాలను రాబట్టినట్లు తెలుస్తోంది.
