ప్ర‌ముఖ క‌థానాయ‌కుడు రామ్ పోతినేని, ఎన్ లింగుసామి దర్శకత్వంలో నటిస్తున్న ద్విభాషా చిత్రం వివ‌రాల‌ను చిత్ర యూనిట్ సోమ‌వారంనాడు కొద్దిగా ప్ర‌క‌టించింది. తెలుగు, త‌మిళ భాష‌ల్లో రూపొందుతోన్న ఈ చిత్ర ప్ర‌చార చిత్రం విడుద‌ల చేసింది. అందులో టైటిల్‌ను “ది వారియర్” అంటూ తెలియ‌జేసింది. ఈ పోస్టర్ లో రామ్ పోతినేని తన పోలీసు బృందంతో కలిసి ఒక ముఖ్యమైన మిషన్‌లో పోలీసు అధికారిగా కనిపించాడు. పోలీసు యోధుడిగా రామ్ పోతినేని ఏం చేయ‌బోతున్నాడ‌నేది సినిమాలో చూడాల‌నే ఆస‌క్తిని ఆ పోస్టర్ క‌లగ‌జేసింది.
