బాహుబలి సినిమా స్పెషల్ స్క్రీనింగ్ ఇటీవలే నార్వేలో జరిగింది. నార్వేలోని స్టావెంజర్‌ ఒపేరా హౌస్‌లో జరిగిన స్క్రీనింగ్‌కు రాజమౌళి, దర్శకేంద్రుడు రాఘవేంద్రరావు, నిర్మాత శోభు యార్లగడ్డ తదితరులు హాజరయ్యారు. ఈ నేపథ్యంలో బాహుబలి చిత్ర బృందంపై పవన్ మాజీ భార్య రేణు దేశాయ్ ప్రశంసల వర్షం కురిపించారు.
ఈ మేరకు ఇన్‌స్టాలో పోస్ట్ చేసిన రేణు.. ఒక భారతీయ సినిమా అంతర్జాతీయంగా గుర్తింపు తెచ్చుకోవడం చూస్తుంటే గర్వంగా ఉందని తెలిపారు. స్టావెంజర్‌‌లో సినిమా చూసేందుకు నన్ను, అకీరాను ఆహ్వానించినందుకు శోభు గారికి థ్యాంక్స్ అంటూ రేణూ దేశాయ్ చెప్పారు.
