కరుణాకరన్ దర్శకత్వంలో మెగా హీరో సాయిధరమ్ తేజ్ హీరోగా నటించిన చిత్రం ''తేజ్''. ఈ సినిమా జూన్ 29న రిలీజ్ కానుందని ట్విట్టర్లో చిత్ర యూనిట్ ప్రకటించింది. కేఎస్ రామారావు నిర్మించిన ఈ మూవీ షూటింగ్ ఇప్పటికే పూర్తయ్యింది. సాయి ధరమ్ తేజ్ సరసన అనుపమ పరమేశ్వరన్ హీరోయిన్‌గా నటించిన ఈ మంచి లవ్‌స్టోరీగా తెరకెక్కుతోంది.
తొలిప్రేమ, ఉల్లాసంగా ఉత్సాహంగా, డార్లింగ్ వంటి లవ్ స్టోరీ సినిమాలతో ఆకట్టుకున్న డైరెక్టర్ కరుణాకరన్ తేజ్ సినిమా తీయడంతో..ఈ మూవీపై అంచనాలు పెరిగాయి. ప్రస్తుతం డబ్బింగ్ కార్యక్రమాలను జరుపుకుంటున్నా ఈ మూవీ ఆడియో కార్యక్రమంపై ఇంకా ఎలాంటి ప్రకటన రాలేదు.
ఈ సినిమా గురించి కె.ఎస్.రామారావు మాట్లాడుతూ.. నవతరం ప్రేమికుడిగా సాయిధరమ్ తేజ్ పాత్ర వైవిధ్యంగా ఉంటుందన్నారు. కుటుంబ అనుబంధాలు మేళవించిన ఫీల్‌గుడ్ రొమాంటిక్ ఎంటర్‌టైనర్‌గా ఈ చిత్రం అందరిని మెప్పిస్తుందని, అనుపమ పరమేశ్వరన్ నటన ఆకట్టుకుంటుందని వెల్లడించారు.
దర్శకుడు కరుణాకరన్ మాట్లాడుతూ, ఇది హృదయానికి హత్తుకునే ప్రేమకథా చిత్రం ఇదని చెప్పారు. గత కొంతకాలంగా రోటీన్‌ ఫార్ములా చిత్రాలతో ఫెయిల్యూర్స్‌ చవిచూస్తున్న సుప్రీం హీరోకు లవ్ స్టోరీల స్పెషలిస్ట్‌ కరుణాకరన్.. హిట్ ఇస్తాడా లేదా అనేది తెలియాలంటే.. కొంత కాలం వేచి చూడాల్సిందే.
