సాయిపల్లవి ఏంటి? తల్లిగా వందమార్కులు కొట్టేయడం ఏంటని ఆశ్చర్యపోతున్నారా? ఇదంతా సినిమాలో లేండి.. నాగశౌర్య కథానాయకుడిగా తెరకెక్కుతున్న "కణం" సినిమాలో సాయిపల్లవి తల్లి పాత్రను పోషిస్తోంది. తల్లి అంటే నాగశౌర్యకు భార్యగా, వెరోనికా అనే చిన్నమ్మాయికి తల్లిగా నటిస్తోంది. తెలుగులో మూడో సినిమాకే తల్లి క్యారెక్టర్‌కు సాయిపల్లవి ఎలా ఒప్పుకుంది అనుకుంటున్నారా.. సాయి పల్లవి క్యారెక్టర్ అలాంటిది మరి.
కానీ నేను చేయగలను అని దర్శకుడు విజయ్ చెప్పినప్పుడు నాలో ఆత్మస్థైర్యం పెరిగింది. చేయగలిగాను. నాకు దర్శకుడు వందకు వంద మార్కులు వేశారు. నాకు చాలా సంతోషంగా ఉందంటూ సాయిపల్లవి తన స్నేహితులతో చెబుతోందట. త్వరలో ఈ సినిమా విడుదల కానుంది. 'ఫిదా' తర్వాత 'కణం' సినిమా నాకు మంచి పేరు తెస్తుందన్న నమ్మకంతో ఉంది సాయిపల్లవి. మరి చూడాలి.. 'కణం' సినిమా సాయిపల్లవి ఆశను నెరవేరుస్తుందో.. లేదో..?
