రంగస్థలం, మహానటి వంటి సినిమాల ద్వారా హిట్ కొట్టిన సమంత అక్కినేని తాజాగా ''యు టర్న్'' అనే సినిమాతో ముందుకొస్తుంది. సమంత అక్కినేని ఎంతో ఇష్టంగా చేసిన ఈ సినిమా 2016లో కన్నడలో ఘనవిజయం సాధించిన యు-టర్న్ చిత్రానికి రీమేక్. ఈ సినిమా తెలుగు రీమేక్ ఫస్ట్ లుక్‌ పోస్టర్‌ను సమంత విడుదల చేశారు.
ఈ పోస్టర్ మిస్టీరియస్‌గా కనిపిస్తోంది. మంచి థ్రిల్లింగ్ కంటెంట్‌తో రూపొందుతోంది. సమంత కూడా ఈ సినిమాపై భారీ ఆశలు పెట్టుకున్నారు. ఆది పినిశెట్టి , రాహుల్ రవీంద్రన్, భూమిక ముఖ్యపాత్రల్లో నటిస్తున్న ఈ చిత్రం సెప్టెంబర్ 13వ తేదీన తెలుగు, తమిళంలో రెండు భాషల్లోను విడుదలకానుంది. పవన్ కుమార్ దర్శకత్వం శ్రీనివాస సిల్వర్ స్క్రీన్ సంస్థ నిర్మిస్తోంది.
