రాంగోపాల్ వర్మ ఏదయినా వంకరటింకరగా మాట్లాడుతారనే పేరుంది. ఆయన ఎందులోనైనా వంకర మార్గాన్ని ఎంచుకుని వ్యాఖ్యానిస్తుంటారు. ఇప్పుడు అతివేగంగా ప్రపంచం చుట్టూ తిరిగి వచ్చేయగల సామాజిక మాధ్యమాలు వుండటంతో ఆయన చెప్పేది కూడా అంతే వేగంగా వెళ్లిపోతోంది. #womensday సందర్భంగా ఆయన చేసిన వ్యాఖ్యలు దేశ వ్యాప్తంగా దుమారం రేపాయి. ఒక్కొక్కరూ ఒక్కో విధంగా స్పందిస్తున్నారు.
కొందరయితే చెప్పులతో కొడతామంటూ ట్వీట్లు చేస్తున్నారు. తాజాగా ఫిలిమ్ స్టూడియో సెట్టింగ్స్, అనుబంధ మజ్దూర్ యూనియన్ ఓ సంచలన నిర్ణయం తీసుకోబోతున్నట్లు వెల్లడించింది. మహిళలపై వర్మ చేసిన అనుచిత వ్యాఖ్యలకు నిరసనగా వర్మను బాయ్ కాట్ చేయాలని నిర్ణయం తీసుకున్నది. ఈ యూనియన్లో మొత్తం 52,000 మంది సభ్యులున్నారు. వారంతా ఆ నిర్ణయం తీసుకుంటే ఇక సినిమా నిర్మాతలపైనా ఒత్తిడి వస్తుందేమో. అలాగైతే ఇక వర్మ చెప్పుకున్నట్లే సినిమాలకు రిటైర్మెంట్ తప్పదేమో...?
