కరోనా కాలంలో వలస కార్మికులను గమ్యానికి చేర్చిన బాలీవుడ్ హీరో సోనూ సూద్.. ప్రస్తుతం పలు సంక్షేమ కార్యక్రమాలు చేపడుతున్న సంగతి తెలిసిందే. మొన్నటికి మొన్న చిత్తూరు రైతు కుటుంబానికి ట్రాక్టర్ కొనిపెట్టారు. దీంతో ఆపదలో ఉన్న వారందరికీ సోనూ సూద్ ఓ దేవుడిలా కనిపిస్తున్నారు. అయిన దానికి కాని దానికి కూడా సహాయం కోరుతూ సరదాగా ఆటపట్టించేవారు కూడా మరి కొందరుంటున్నారు.
రేపు ఉదయం వరకు ఆగండి.. నేనిప్పుడు చాలా బిజీగా ఉన్నా.. ఓ వ్యక్తి కంప్యూటర్ రిపేర్ చేస్తున్నా.. ఇంకా వివాహ సమస్యలు పరిష్కరించడం, ట్రైన్ టికెట్లు బుక్ చేయడం, ఇళ్లకు సంబంధించిన నీటి సమస్యలు తీర్చడం వంటివి. కొంతమంది ఖాళీగా ఉన్న మహానుభావులు నాకిలాంటి గొప్ప గొప్ప పనులు చెబుతున్నారు. దయచేసి అర్థం చేసుకోండి అని మంజూ శర్మకు ట్వీట్ చేశారు.
