సోషల్ మీడియాలో సుడిగాలి సుధీర్, రష్మీ గౌతమ్‌ల‌పై బోలెడన్నీ వదంతులు పుట్టుకొస్తాయి. తాజాగా, సుధీర్ అలీతో సరదాగా కార్యక్రమంలో పాల్గొన్నాడు. ఈ సందర్భంగా అలీ వేసిన ఓ ప్రశ్నకు ఆసక్తికర సమాధానం ఇచ్చాడు. స్క్రీన్‌పై తన హీరోయిన్ రష్మీ మాత్రమేనని, ఎవ్వరూ వచ్చినా ఒప్పుకోనని, తను నా లైఫ్ అని వ్యాఖ్యానించాడు. రష్మీ వల్లే తనకు ఇంత పేరు వచ్చిందని, ఓ రకంగా తాను స్టార్‌డమ్ సంపాదించడానికి రష్మీనే కారణమని వెల్లడించాడు.
రష్మీ తన జీవితంలో ఎన్నో కష్టాలు పడిందని, ఆమె పడ్డ కష్టాలు తెలిశాక ఆమెపై గౌరవం అమాంతం పెరిగిందని సుధీర్ చెప్పాడు. ఆమె పడ్డ కష్టానికి ఇప్పుడు ఫలితం దక్కిందని తాను అనుకుంటున్నానని వివరించాడు. కాగా, జబర్దస్త్‌ను విడిచిపెడతావని వార్తలు వచ్చాయని అలీ అడగ్గా.. తాను దాన్ని వదిలే ప్రసక్తే లేదని స్పష్టం చేశాడు.
