సుమారు 8 కోట్ల మంది ఈ పాటను యూ ట్యూబ్‌లో చూశారు. తమిళ అనువాదానికి తమిళ దర్శకుడు ఆదిరాజా మాటలు, పాటలు రాశారు. ఆయన రాసిన 'జొలి జొలిక్కుం డిజిటల్‌ పొన్ను.. తెరి తెరిక్క పాత్తా జిన్ను' అనే పాటను ఇటీవల రికార్డు చేశారు. ప్రముఖ నటి రమ్య నంబీశన్‌ ఈ పాటను పాడారు.
తెలుగులో కూడా ఆమే పాడటం విశేషం. ఓ బంగ్లాకు వెళ్లే సినీ చిత్రీకరణ యూనిట్‌.. అక్కడ ఎదుర్కొనే సమస్యలతో ఈ సినిమాను తెరకెక్కించారు. సినిమాకు సంబంధించిన గ్రాఫిక్‌ సన్నివేశాలకు కూడా మంచి గుర్తింపు లభించింది. ప్రస్తుతం అనువాద పనులు శరవేగంగా సాగుతున్నాయని, త్వరలో చిత్రాన్ని విడుదల చేయనున్నట్లు సంబంధిత వర్గాలు పేర్కొన్నాయి.
