లాక్ డౌన్ నేపథ్యంలో కరోనాకు సెలెబ్రిటీలు జాగ్రత్తలు చెప్తున్నారు. తాజాగా, టాలీవుడ్ సూపర్‌స్టార్‌ మహేశ్ బాబు భార్య, సినీ నటి నమ్రత రెండు ఫొటోలను తన ఇన్‌స్టాగ్రామ్‌లో పోస్ట్ చేసి కరోనాపై జాగ్రత్తలు చెప్పింది. ఈ రెండు ఫొటోల్లో మొదటి దాంట్లో మహేశ్ బాబు తన కుమారుడు గౌతమ్‌తో కనపడుతున్నాడు.
ఇందులోనూ మహేశ్ కర్చిఫ్‌తో కనపడ్డాడు. ఆయన పక్కనే ఉన్న సితార ముఖానికి మాస్కులు ధరించి కనపడుతోంది. ఈ రెండు ఫొటోలను పోస్ట్ చేసిన నమ్రత... మాస్కు ధరించడానికి సూపర్‌స్టారే కావాల్సిన అవసరం లేదని, మాస్కులు ధరించి మనల్ని మనం రక్షించుకోవడంతో పాటు మనకు ఇష్టమైన వారిని కూడా కాపాడుకోవాలని సందేశమిచ్చింది.
