దేశవ్యాప్తంగా పెట్రోల్, డీజిల్ ధరలు విపరీతంగా పెరిగిపోతున్నాయి. అంతర్జాతీయంగా ఇంధన ధరలు బాగా పెరగడంతో దేశీయంగా పెట్రోల్, డీజిల్ ధరలు కూడా మండిపోతున్నాయి. ఫలితంగా చెన్నై మహానగరంలో ఒక లీటరు పెట్రోల్ ధర రూ.86 పైగా పలుకుతోంది.
డీసీ బేకరీ ఈ వినూత్న ఆఫర్‌ను ప్రకటించింది. అయితే, ఈ బేకరీలో ఒక కేజీ కేక్ ధర రూ.495. ఒక లీటరు పెట్రోల్ ధర రూ.86. సో... రూ.495 చెల్లిస్తే... ఒక లీటరు పెట్రోలును ఉచితంగా ఇస్తుందన్నమాట. అయితే, ఈ బేకరీ షాపు చిరునామా మాత్రం సోషల్ మీడియా పోస్టులో కనిపించడం లేదు.
కాగా, దేశంలో పెట్రోలు ధర మండుతున్న రాష్ట్రాల్లో తమిళనాడు కూడా ఒకటి. ఇటీవల ఒక పెళ్లి వేడుకలో వధూవరులకు 5 లీటర్ల పెట్రోలును బహుమతిగా ఇవ్వడం పరిస్థితికి అద్దం పడుతోంది. శుక్రవారం రాష్ట్ర రాజధాని చెన్నైలో పెట్రోల్ ధర లీటరుకు 86.01 రూపాయలకు చేరుకుంది. ఢిల్లీ, ముంబై రెండింటిలో 10 పైసలు పెరిగి రూ.82.32, రూ.89.92 ఉంది.
