అక్కినేని కుటుంబంలో సినీ హీరోలు బాగానే వున్నారు. నాగార్జున, నాగ‌చైత‌న్య, సుశాంత్‌, స‌ముంత్‌, అఖిల్ క‌థానాయ‌కులుగా చేస్తున్నారు. నాగ‌చైత‌న్య న‌టుడిగా త‌న నిరూపించుకునేందుకు ప్ర‌య‌త్నం చేస్తూనే వున్నాడు. నాగార్జున ఇంకా యువ హీరోల‌కు పోటీగా సినిమాలు చేసుకుంటూపోతున్నారు. అయితే ఎవ‌రి ప‌నిలో వారు బిజీగా వుండ‌డంతో వారానికి ఒక‌సారైన అంద‌రూ క‌ల‌వాల‌ని అక్కినేని నాగేశ్వ‌ర‌రావు కోరుకునేవారు. అందుకే ఆయ‌న బ‌తికున్నంత‌కాలం అంద‌రూ ఓరోజు వీలుచూసుకుని మ‌రీ క‌లిసేవారు. ఇప్పుడు ఆ ప‌ద్ద‌తిని నాగార్జున కొన‌సాగిస్తున్నారు.
