తొలిరోజు పవన్ కళ్యాణ్, ఇతర నటీనటులు షూటింగ్‌లో పాల్గొన్నారు. ప్రొడక్షన్ డిజైనర్ ఆనంద్ సాయి భారీ పోలీస్ సెట్‌ను రూపొందించారు. గతంలో పవన్ కళ్యాణ్, హరీష్ శంకర్ కాంబినేషన్‌లో బ్లాక్ బస్టర్ 'గబ్బర్ సింగ్' తెరకెక్కిన సంగతి తెలిసిందే.
ఇక ఉస్తాద్‌లో పవన్ కళ్యాణ్ సరసన పూజా హెగ్డే నటించే అవకాశం ఉంది. శ్రీలీల ఇప్పటికే రెండో కథానాయికగా ఎంపికైంది. ఈ చిత్రానికి అయనంక బోస్ కెమెరా బాధ్యతలు నిర్వహిస్తుండగా, దేవి శ్రీ ప్రసాద్ సంగీత దర్శకుడు. పవన్ కళ్యాణ్‌తో మైత్రీ మూవీ మేకర్స్‌కి ఇది మొదటి సినిమా.
