డైన‌మిక్ డైరెక్ట‌ర్ రైతుగా న‌టించ‌బోతున్నాడ‌ట. ఇంత‌కీ ఎవ‌రా డైరెక్ట‌ర్ అనుకుంటున్నారా..? వి.వి.వినాయక్. అవును.. ప్ర‌ముఖ నిర్మాత దిల్ రాజు నిర్మాణంలో రూపొందుతోన్న సినిమాలో వినాయక్ న‌టిస్తున్న విష‌యం తెలిసిందే. అయితే... ఇప్ప‌టి వరకు ఈ సినిమాలో వినాయక్ పాత్ర ఎలా ఉంటుంది..? ఏ త‌ర‌హా సినిమా అనేది బ‌య‌ట‌కు రాలేదు కానీ... తాజాగా వినాయక్ రైతుగా న‌టించ‌నున్నాడు అనే వార్త బ‌య‌ట‌కు వ‌చ్చింది.
కాగా అక్టోబర్‌‌లో వినాయక్ పుట్టినరోజున నాడు ఈ చిత్రాన్ని ఘనంగా ప్రారంభించాలని చిత్రబృందం ప్లాన్ చేస్తోంది. ఈ చిత్రంలో వినాయక్ రైతుగా నటించనున్నారు. పైగా స్వాతంత్య్ర పూర్వం 1940ల కాలంలో ఈ సినిమా కథ సాగుతుందని తెలిసింది. ఇక ఇప్పటికే వినాయక్ ఈ సినిమా కోసం ఫిట్‌గా కనిపించడానికి జిమ్‌‌లో వర్కౌట్స్ చేస్తున్నారు.
