కరోనా వైరస్ త‌ర్వాత ప్రజలు ఎదుర్కొంటున్న బాధ‌ల‌ను గుర్తించి సోనూసూద్ చేస్తున్న సేవ‌లు తెలిసిందే. త‌నే ఆక్సిజన్ ప్లాంట్‌ను వివిధ ప్రాంతాల్లో ఏర్పాటు చేశాడు. ఒక రాష్ట్రం అని కాకుండా దేశంలో అన్ని చోట్ల ఆయ‌న ఆక్సిజన్ ను అందించారు. మంగ‌ళ‌వారంనాడు నెల్లూరు జిల్లా లో ఆక్సిజన్ ప్లాంట్ ఏర్పాటు కి సన్నాహాలు చేయడం జరిగింది. అయితే ఈ మేరకు ఆక్సిజన్ ప్లాంట్ రాక తో నెల్లూరు జిల్లా కి చెందిన ప్రజలు ఘన స్వాగతం పలికారు. సోనూ సూద్ చిత్ర పటానికి హారతి పట్టి, టపాసులతో తమ సంతోషం వ్యక్తం చేశారు. అయితే అందుకు సంబంధించిన వీడియో సోషల్ మీడియా లో వైరల్ గా మారింది.
