మహానేత, దివంగత ముఖ్యమంత్రి వైఎస్.రాజశేఖర్ రెడ్డి జీవిత చరిత్ర ఆధారంగా తెరకెక్కుతున్న చిత్రం యాత్ర. ఈ చిత్రానికి "ఆనందోబ్రహ్మ" ఫేమ్‌ మహి వి.రాఘవ్ దర్శకత్వం వహిస్తుంటే, వైఎస్ఆర్‌గా మలయాళ సూపర్ స్టార్ మమ్ముట్టి నటిస్తున్నారు. 70 ఎంఎం ఎంటర్‌టైనమెంట్స్ పతాకంపై విజయ్ చల్లా, శశిదేవ్ రెడ్డి ఈ సినిమాను నిర్మిస్తున్నారు.
అయితే, జూలై 8వ తేదీ వైఎస్ఆర్ జయంతిని పురస్కరించుకుని ఈ సినిమా నుంచి టీజర్‌ను రిలీజ్ చేశారు. యూట్యూబ్‌లో కొన్ని గంటల్లోనే ఈ టీజర్ 10 లక్షలకి పైగా వ్యూస్‌ను రాబట్టింది. అదే ఊపును కొనసాగిస్తూ ఇప్పుడు ఈ టీజర్ 12 లక్షలకి పైగా వ్యూస్‌ను సొంతం చేసుకుంది.
ఈ టీజర్‌లోని డైలాగ్‌లు అద్భుతంగా ఉన్నాయి. "తెలుసుకోవాలని ఉంది.. వినాలని ఉంది.. ఈ గడపదాటి ప్రతీ గడపలోకి వెళ్లాలని ఉంది.. వారితో కలిసి నడవాలని ఉంది.. వారి గుండె చప్పుడు వినాలని ఉంది. గెలిస్తే పట్టుదల అంటారు.. ఓడితే మూర్ఖత్వం అంటారు. పాదయాత్ర మూర్ఖత్వమో లేక పట్టుదలో చరిత్రే నిర్ణయిస్తుంది"అంటూ సాగే టీజర్ అభిమానుల్లో మూవీపై అంచనాలు పెంచేసింది.
