దియా మీర్జా తన భర్త షాహిల్‌తో విడిపోతున్నట్లు తెలిపింది. ఐతే దీనికి కారణం దర్శకేంద్రుడు రాఘవేంద్ర రావు కోడలు కారణమంటూ బాలీవుడ్ వెబ్ సైట్లు పేర్కొనడం తీవ్ర చర్చకు దారి తీస్తోంది. దర్శకేంద్రుడు రాఘవేంద్రరావు తనయుడు ప్రకాష్ కోవెలమూడిని బాలీవుడ్ స్క్రీన్ రైటర్ కనిక థిల్లాన్ వివాహం చేసుకున్నారు. కనిక తెలుగులో 'సైజ్ జీరో' సినిమాకి కథ అందించారు. ఆ చిత్రాన్ని ఆమె భర్త ప్రకాష్ డైరెక్ట్ చేశారు. వీరిద్దరూ బాలీవుడ్ ఇండస్ట్రీలోనూ చిత్రాలు చేస్తున్నారు.
ఐతే ఈ వార్తలను కనిక థిల్లాన్ తీవ్రంగా ఖండించారు. తన జీవితంలో ఇప్పటివరకూ దియా మీర్జాను కానీ ఆమె భర్త షాహిల్ ను కానీ కలిసిందే లేదని ట్విట్టర్లో పేర్కొన్నారు. పనిలేని రెండు టాబ్లాయిడ్లు చెత్త రాతలు రాశాయనీ, వాటిని పట్టించుకోనవసరం లేదని కొట్టిపారేశారు. తన పనిలో తను నిమగ్నమవుతున్నట్లు తెలిపారామె.
