దేశ ఐటీ దిగ్గజం ఇన్ఫోసిస్ సంస్థ సహ వ్యవస్థాపకుల్లో ఒకరైన డాక్టర్ నారాయణమూర్తి సతీమణి, ప్రముఖ సామాజిక కార్యకర్త సుధామూర్తి మరోమారు తనలోని గొప్ప మనసును చూపించారు. కేరళ వరద బాధితులను ఆదుకునేందుకు ఇన్ఫోసిస్ ముందుకు వచ్చింది. ఆ సంస్థ తరపున వరద బాధితులకు వివిధ రకాల సహాయ సరుకులను అందజేస్తున్నారు.
సుధామూర్తి ఔదార్యాన్ని వీడియో తీసిన కేంద్రమంత్రి డీవీ సదానంద గౌడ ట్విటర్‌లో పోస్టు చేయడంతో వైరల్ అయింది. ఈ వీడియోను లక్షలాది మంది చూసి, సుధామూర్తి సేవాగుణాన్ని ప్రశంసిస్తున్నారు. అంతేకాదు అమ్మ అనే హ్యాష్ టాగ్‌తో షేర్ చేసుకుంటున్నారు.
