డ్యూటీకి వెళ్ళొద్దు నాన్న.. నాతో ఆడుకో.. పోలీస్ ఐతే ఇంతే? (వీడియో వైరల్)

సోమవారం, 29 ఏప్రియల్ 2019 (15:15 IST)
పోలీసు ఉద్యోగం అంటేనే తీరిక వుండదు. 24 గంటలు డ్యూటీల కంటూ తిరగాల్సి వుంటుంది. రాత్రి, పగలు లేకుండా పోలీసులు డ్యూటీలు చేస్తుంటారు. అలాంటి వారికి కుటుంబీకులను పట్టించుకునే సమయం కూడా వుండదు. ఇంకా పోలీసులకు చిన్ని వయస్సులో పిల్లలుంటే వారితో గడిపే సమయం చాలా తక్కువగా వుంటుంది. ఇలా కుటుంబం, పిల్లలతో గడపలేక ఎందరో పోలీసులు డ్యూటీ చుట్టూ తిరుగుతున్నారు. 
 
ఇలా డ్యూటీ అంటూ వెళ్తూ.. తనకు దూరంగా వుంటున్న తండ్రిని డ్యూటీకి వెళ్లకుండా అడ్డుకున్నాడు.. ఈ బుజ్జిగాడు. తండ్రి కాళ్లు పట్టుకుని డ్యూటీ వెళ్ళొద్దని గట్టిగా ఏడుపు లగించుకున్నాడు. డ్యూటీకి వెళ్లి త్వరగా వచ్చేస్తానని.. అంతవరకు ఆడుకోమని తండ్రి చెప్తున్నా.. ఆ పిల్లాడు ఏమాత్రం వెనక్కి తగ్గకుండా తండ్రి కాలు పట్టుకుని వదల్లేదు. 
 
తనతో ఎక్కువ సమయం ఉండడంలేదని ఎన్నాళ్లగానో వేదన చెందుతున్నఆ కొడుకు.. ఇంటికి వచ్చిన తండ్రి మళ్లీ డ్యూటీకి రెడీ అయి వెళుతుండగా అడ్డుకున్నాడు. ఇంట్లో తనతోనే ఉండి ఆడుకోవాలంటూ తండ్రిని గట్టిగా పట్టుకుని ఏడ్చాడు. ఏడుస్తున్న కొడుకును సముదాయించలేక, ఆఫీసుకు వెళ్లలేక ఆ పోలీసు తండ్రి పడ్డ వేదనను మాటల్లో చెప్పలేం. 
 
ఒక నిముషం 20 సెకన్లు ఉన్న ఈ వీడియో హృదయాన్ని కదిలిస్తుందని పలువురు నెటిజన్లు కామెంట్ చేస్తున్నారు. ఈ వీడియో ప్రస్తుతం నెట్టింట వైరల్ అవుతోంది. ఈ వీడియోను చూసిన వారంతా పోలీసుల కష్టాలను తెలియజేసేలా ఈ వీడియో వుందని కామెంట్స్ చేస్తున్నారు. ఇంకా తన తండ్రితో గడపాలని ఆ చిన్నారి ఏడ్వడం కలచి వేస్తోందని మరికొందరు కామెంట్లు చేస్తున్నారు. ఇలా తన కొడుకు ఎంత మారం చేస్తున్నా.. సముదాయించి డ్యూటీకి వెళుతున్న పోలీసుకు నెటిజన్లు సలాం కొడుతున్నారు. 

This is the toughest part of the police job. Due to long and erratic duty hours most of the police officers have to face this situation.

Do watch. pic.twitter.com/aDOVpVZ879

— Arun Bothra (@arunbothra) April 28, 2019

వెబ్దునియా పై చదవండి

సంబంధిత వార్తలు