సాధారణంగా ఉప్పుని మనం వంటకాల్లో మాత్రమే ఉపయోగిస్తుంటాం. కానీ ఉప్పులో చాలా అద్భుతమైన గుణాలున్నాయని కొందరికి తెలియదు. వంటల్లో ఉపయోగించే ఉప్పు ఆరోగ్యాన్నే కాదు ఇంటిని కూడా శుభ్రపరుస్తుంది. ఉప్పుని ఉపయోగించడం వలన కలిగే ఉపయోగాలేంటో ఇప్పుడు తెలుసుకుందాం.
1. ఉప్పులో కొద్దిగా యాపిల్ సైడర్ వెనిగర్ను కలిపి రాగి, వెండి, ఇత్తడి పాత్రలను తోమితే అవి తళతళా మెరిసిపోతాయి.
2. ఇంట్లో చీమల బెడద ఉంటే కొద్దిగా ఉప్పు తీసుకుని ఇంట్లోని తలుపులు, కిటికీలు, షెల్ప్ల వంటి ప్రాంతాల్లో చల్లితే చాలు.
3. గోరువెచ్చని నీటిలో కొద్దిగా ఉప్పు కలిపి కిచెన్ సింక్ను క్లీన్ చేస్తే జిడ్డు తొలగి అందులో ఇరుక్కున్న పదార్థాలన్నీ పోతాయి.
4. కొద్దిగా ఉప్పు, లవంగ నూనెను తీసుకుని బాగా కలిపి శరీరానికి రాయాలి. 10 నిమిషాల తరువాత స్నానం చేస్తే చర్మంపై ఉండే మురికి మొత్తం పోయి శరీరం ప్రకాశవంతంగా మారుతుంది.
5. గ్లాస్ గోరు వెచ్చని నీటిలో కొద్దిగా ఉప్పు వేసి నోటిని పుక్కిలిస్తే.. దంతాల నొప్పి, నోటి పూత వంటివి సమస్యలు తొలగిపోతాయి.
6. బేకింగ్ సోడా, ఉప్పును తీసుకుని దానిలో కొద్దిగా నీరు కలిపి పేస్ట్లా చేసి పళ్లు తోముకుంటే పళ్లు మిలమిలా మెరుస్తాయి.