ఇటీవలికాలంలో సెల్ఫీలు, సెల్ఫీ వీడియోల పిచ్చి బాగా ముదిరిపోయింది. దీంతో అనేక మంది యువకులు ప్రాణాలు కోల్పోతున్నారు. తాజాగా సామాజిక మాధ్యమాల్లో పోస్టు చేసేందుకు సన్‌షేడ్ వీడియో కోసం ప్రయత్నించి ఏకంగా ప్రాణాలు కోల్పోయాడో యువకుడు. సింగపూర్‌లో జరిగిన ఈ సంఘటన వివరాలను పరిశీలిస్తే...
జొనాథన్ చో అనే 17 ఏళ్ల యువకుడు తన స్నేహితురాలితో కలిసి నగరంలోని ఓ షాపింగ్‌మాల్‌కు వెళ్లాడు. మాల్ నాలుగో అంతస్తుకు చేరుకున్నాక అక్కడి నుంచి సన్‌షేడ్ మీదకు దూకుతానని, దానిని వీడియో తీయాలని స్నేహితురాలిని కోరాడు. అందుకు ఆమె ససేమిరా అన్నా అతడు పట్టించుకోలేదు. దీంతో ఆమె వీడియో తీసేందుకు ప్రయత్నిస్తుండగానే అతడు పైనుంచి దూకేశాడు.
