అంతేకాకుండా, పోలీసుల అదుపులో జార్జ్‌ ఫ్లాయిడ్ మరణించిన రెండు వారాల అనంతరం అమెరికా ప్రతినిధుల సభ జ్యుడిషియరీ కమిటీ తొలిసారి సమావేశమై విచారించింది. జార్జి ఫ్లాయిడ్ మరణంతో జాతి వివక్ష పెరిగిపోతోందంటూ అమెరికాలో నల్లజాతీయులు పెద్ద ఎత్తున ఆందోళనలు చేపట్టారు. గత కొన్నిరోజులుగా అమెరికా అంతటా నిరసనలు మిన్నంటుతున్నాయి.
జార్జీని చంపాల్సిన అవసరం పోలీసులకు ఏమున్నది?. సహకరించమని వేడుకొన్న కనికరించలేదు. ఆయన ఆవేదన ప్రస్తుతం అమెరికా అంతటా ప్రతిధ్వనిస్తున్నాయి. మీరూ వినండి అని చట్టసభ సభ్యుల ఎదుట చెప్పి కన్నీటి పర్యంతమయ్యారు. కాగా, గత నెల 25 న చనిపోయిన జార్జీ ఫ్లాయిడ్ అంత్యక్రియలు మంగళవారం హ్యూస్టన్‌లో పూర్తయ్యాయి.
