సోదర ప్రేమ ఓ ప్రాణాన్ని బలిగొంది. తమ్ముడి ప్రేమను కాపాడేందుకు అన్నయ్య ప్రాణాలు కోల్పోయాడు. ఈ ఘటన కర్నూలు జిల్లా, రుద్రవరం మండలం పేరూలో చోటుచేసుకుంది. వివరాల్లోకి వెళితే.. తమ్ముడి ప్రేమకు మధ్యవర్తిగా ఉన్నాడంటూ ప్రవీణ్‌పై రెండ్రోజుల క్రితం అమ్మాయి బంధువులు దాడి చేశారు. విచక్షణా రహితంగా కొట్టారు.
పేరూరుకు చెందిన అమ్మాయి, అబ్బాయి మే 31న ఊరు విడిచి వెళ్లిపోయారు. వీరికి ప్రవీణ్ సహకరించాడని అమ్మాయి కుటుంబసభ్యులు కక్ష పెంచుకున్నారు. ఆగ్రహంతో అతనిపై దాడి చేయడం వల్ల ప్రాణాలు కోల్పోయాడని ప్రవీణ్ కుటుంబం ఆవేదన చెందుతోంది.
