ఈ ఘటన చైనా జియాంగ్సు ప్రావిన్స్‌లోని హువాన్‌లో ఈ నెల 7న జరిగింది. ఆలస్యంగా వెలుగులోకి వచ్చిన ఈ వివరాలను పరిశీలిస్తే, సైకిల్‌ లాక్‌తో ఆడుకుంటున్న ఒక బాలుడు సరదాగా తల్లి మెడకు దానిని తగిలించి లాక్‌ వేశాడు. అయితే ఆట సమయంలో అన్లాక్ కోడ్‌ను అతడు పలు మార్లు మార్చేశాడు.
ఈ విషయాన్ని గుర్తించిన ఆ తల్లి, లాక్‌ తెరిచే కాంబినేషన్‌ తెలియక కంగారు పడింది. సమీప పోలీస్‌ స్టేషన్‌కు వెళ్లి సహాయం కోరింది. వారు అగ్నిమాపక బృందాన్ని పిలిపించారు. ఒక టవల్‌ను ఆమె మెడకు ఉంచి వైర్‌ కట్టర్‌తో సైకిల్‌ లాక్‌ను కట్‌ చేసి తొలగించారు. దీనికి సంబంధించిన వీడియో ఒకటి ఇపుడు సోషల్ మీడియాలో వైరల్ అయింది.
