ప్రేమించిన వ్యక్తి కోసం ఆ మహిళ తల్లిదండ్రులకు దూరమైంది. మతాలు వేరైనప్పటికీ.. అతడినే పెళ్లి చేసుకుంది. కానీ పెళ్లికి ముందు ప్రేమ మైకంలో చికెన్ కాదు.. మాంసాహారమే ముట్టనని మాటిచ్చిన ప్రేమికుడు.. పెళ్లై ఐదేళ్లు గడిచినా చికెన్‌ను ఏమాత్రం వదిలిపెట్టలేదు. దీంతో ఇక చేసేది లేక ఆ మహిళ విడాకుల కోసం కోర్టును ఆశ్రయించింది.
కానీ తమ దాంపత్య జీవితానికి గుర్తుగా కవల పిల్లలు పుట్టినా.. ఆ మహిళ మాత్రం తన భర్త మాంసాహారం ఇష్టానికి తినేస్తున్నాడని.. ఇంకా వేధింపులకు కూడా గురిచేస్తున్నాడని భరించలేకపోతున్నానని కోర్టును ఆశ్రయించింది. ఇంకా అతని నుంచి తనకు విడాకులు ఇప్పించాలని కోర్టును కోరింది. ఇందుకు అంగీకారం కూడా లభించింది. ఫలితంగా ఈ జంట విడాకుల ద్వారా తమ వివాహ బంధాన్ని తెగతెంపులు చేసుకోనున్నారు.
