సుప్రసిద్ధ శ్రీకాళహస్తీశ్వరాలయ భారీ రాజ గోపురం.. 500 సంవత్సరాల పురాతనమైందని.. అందుకే కుప్పకూలిందని అధికారులు చెబుతున్నా.. శ్రీకృష్ణదేవరాయలు 1516 సంవత్సరంలో నిర్మించిన శ్రీకాళహస్తీశ్వర రాజగోపురం కూలిపోవడం అశుభసూచకమని భక్తులు భావిస్తున్నారు.
పరమేశ్వరుడు వాయులింగంగా వెలసిన శ్రీ కాళహస్తీశ్వరాలయంలో రాహు-కేతు పూజలను చేయించేందుకు భారీ సంఖ్యలో భక్తులు వస్తూపోతుంటారు. ఈ నేపథ్యంలో పురాతన ఆలయంగా పేరొందిన శ్రీకాళహస్తీశ్వరాలయంలోని 140 అడుగుల ఎత్తు రాజగోపురం కూలిపోవడం అశుభ సూచకమని భక్తులు ఆందోళన వ్యక్తం చేస్తున్నారు.
కానీ ఈ విషయమై జ్యోతిష్యనిపుణులు ఏమంటుంటున్నారంటే..? బుధవారం మధ్యాహ్నం 12.58 నిమిషాలకు స్తంభించిన కుజుడు సింహ ప్రవేశం చేశాడు. ఆ కారణంగా కానీ లేదా ఆంధ్ర రాష్ట్రం మీద శని సంచార ప్రభావం ఉండటం వల్ల కానీ, విశాఖ నక్షత్రం దోషం వల్ల కానీ బుధవారం రాత్రి 8 గంటలకు బీటలు వారిని రాజగోపురం నేలకొరిగింది.
శ్రీకాళహస్తీశ్వరుని గాలిగోపురం నేలకొరగటం వల్ల ప్రజల్లో అశాంతి, అవగాహనా లోపం, పరమత ప్రచారం అధికమవుతాయి. హిందూ దేవాలయాల్లో భద్రతాలోపం వంటివి అధికంగా ఎదుర్కొనే అవకాశం ఉన్నది. ఈ దోషం 2011 సంవత్సరం మే నెల వరకూ ఉంటుంది.
కనుక ప్రజలందరూ స్నేహ భావంతో కలిసి మెలిసి ఉండటం చాలామంచిది. కొత్తగా అనారోగ్యాలు తలెత్తే అవకాశంతోపాటు పంట దిగుబడి బాగా తగ్గిపోతుంది. ఈ దోష నివారణకు శ్రీకాళహస్తీశ్వరుడిని పూజించడం, శ్రీమన్నారాయణుని ఆరాధించడం వల్ల ప్రజలకు శుభం కలుగుతుంది.
