పసుపు శాస్త్రాల్లో పేర్కొన్న కొన్ని కీలక వస్తువుల్లో అగ్రస్థానాన్ని నిలిచింది. పసుపు, కుంకుమ, పువ్వులు, తమలపాకు, వక్క, పండ్లు, పాలు, పెరుగు, నెయ్యి, తేనె, కూరగాయలు, గంధం, తులసి వంటి పూజకు ఉపయోగించే వస్తువుల్లో పసుపుకే అగ్రస్థానం. సుమంగళీ మహిళలకు వాయనం ఇచ్చేటప్పుడు అందుకే పసుపును ముందు ఇస్తారు.
పసుపు సౌభాగ్యానికి చిహ్నం. ఈ కారణం చేతనే సుమంగుళులు తన భర్తకు శుభం కోరుతూ మాంగల్యానికి పసుపును ఉంచి నమస్కరిస్తారు. దేవీ ఆలయాల్లో, నవరాత్రి పూజా సమయంలో దేవికి పసుపుతో చేసే అలంకారాలు ముఖ్యమైనవి. అలాంటి పసుపును ఆలయం నుంచి ప్రసాదంగా ఇంటికి తీసుకొచ్చి ఏం చేయాలో తెలుసా?
ఇక పసుపుతో గౌరీదేవిని చేసి పూజించటం ద్వారా ఇంట్లో ఉండే కన్యలకు ఉన్న వివాహ దోషాలు తొలగిపోయి, త్వరలో వివాహం నిశ్చయమవుతుంది. అలాగే శరన్నవరాత్రుల్లో దేవికి పసుపు రంగు చీరను సమర్పిస్తే.. దోషాలు తొలగిపోతాయి. దుకాణాల్లో పసుపుతో కలిపిన నీటిని చల్లితే వ్యాపారాభివృద్ధి చేకూరుతుంది. పసుపు నీటితో ఇంటిని కడిగితే ఆ ఇంటి యజమానులకు ఐశ్వర్యం చేకూరుతుంది.
