తులసి దేవిని పూజిస్తూనే ఉన్న వారి ఇల్లు సుసంపన్నంగా ఉంటుంది. అన్ని ఆశీర్వాదాలు వారికి దక్కుతాయని ఆధ్యాత్మిక పండితులు అంటున్నారు. తులసి మొక్కలో ముప్పై మూడు కోట్ల దేవతలు నివసిస్తారు. సూర్య చంద్రులు, అశ్వినీదేవుళ్లు మొదలైన వారు నివసిస్తారు.
"నేను తులసిగా తిరిగి వచ్చి మీ పాదాలను చేరుకుంటాను" అని సీతాదేవి చెప్పినట్లు పురాణాలు చెప్తున్నాయి. అందుకే తులసి వున్న చోట రాముడు వుంటాడు. సీతారాములున్న చోట హనుమంతుడు వుంటాడు. అందుకే ఆంజనేయునికి, శ్రీరాముడికి ప్రసాదంగా తులసిని మాలగా సమర్పిస్తే, హనుమంతుడు ఎంతో సంతోషిస్తాడు. ఇంకా కోరిన కోరికలను నెరవేరుస్తాడని విశ్వాసం.
