తెలుగు చిత్ర పరిశ్రమకు చెందిన సినీ నటి కరాటే కళ్యాణి. ఇపుడు రాజకీయ నాయకురాలిగా మారిపోయారు. ఆమె కాషాయం కండువా కప్పుకున్నారు. బీజేపీ తెలంగాణ అధ్యక్షుడు బండి సంజయ్ సమక్షంలో మరికొంతమంది సినీ నటులతో ఆమె ఆదివారం బీజేపీలో చేరారు. అలాగే, జల్పల్లి కౌన్సిలర్ యాదయ్యతో పాటు ప‌లు పార్టీల నేతలు కూడా బీజేపీలో చేరారు. వారంద‌రినీ రాష్ట్ర బీజేపీ నాయ‌కులు పార్టీలోకి సాద‌రంగా ఆహ్వానించారు.
తెలంగాణ బీజేపీ చేతుల్లోకి వెళితేనే అభివృద్ధి సాధ్యమని చెప్పారు. బీజేపీలో ప్ర‌ధాని మోదీ, కేంద్ర మంత్రి అమిత్ షా, బీజేపీ జాతీయ అధ్యక్షుడు జేపీ నడ్డా వంటి ఎందరో సమర్థ‌వంత‌మైన నేతలు ఉన్నార‌ని చెప్పారు.
