విజయశాంతితో ప్రచారం చేసినా అర్జున్ s/o వైజయంతి కలెక్షన్లు పడిపోయాయి

Kalyanram, vijayasanthi

నందమూరి కళ్యాణ్ రామ్ తీసిన తాజా సినిమా అర్జున్ s/o వైజయంతి. ఈ సినిమా ఏప్రిల్ 18నే విడుదలైంది. విడుదల తర్వాత డివైడ్ టాక్ వచ్చింది. పాతచింతకాయ పచ్చడి కథతో యాక్షన్ అంశాలు జోడించి తీశారని సోషల్ మీడియాలో తెగ ప్రచారం జరిగింది. కాకపోతే విజయశాంతి నటించడం ఆమెకు ప్లస్ గా మారింది. చాలా కాలం మర్చిపోయిన ఆమెను తీసుకువచ్చి కళ్యాణ్ రామ్ తల్లి పాత్ర చేయించారు. రిలీజ్ కుముందు కాకుండా రిలీజ్ తర్వాత విజయశాంతితో ప్రచారం చేయించారు. ఆమె కూడా సినిమా క్రిటిక్స్ పై ఘాటుగా స్పందించింది. వీలుంటే మీరు కథలు రాసి తీసుకురండి అంటూ పేర్కొంది.

ఇదిలా వుండగా, ప్రస్తుతం సేఫ్ జోన్‌లో ఉన్నామని, సినిమా బడ్జెట్‌లో ఎక్కువ భాగాన్ని తిరిగి పొందామని నిర్మాతలు చెబుతున్నారు. అయితే, గత కొన్ని రోజులుగా కలెక్షన్లు కొద్దిగా తగ్గాయి. ఆక్యుపెన్సీ గణనీయంగా తగ్గింది. మండుతున్న వేడి కారణంగా, ప్రేక్షకులు ఎక్కువగా ఇంటి లోపలే ఉంటున్నారు. ఆంధ్రప్రదేశ్ మరీ దారుణంగా వుంది. అక్కడ తీవ్ర వడగాడ్పులు రావడంతో బయటకు జనాలు రావడంలేదు. కాబట్టి, రాబోయే రోజుల్లో ఈ సినిమా ఎంత వసూళ్లు చేస్తుందో వేచి చూడాలి. ఇప్పటికే పలు సినిమాలకు థియేటర్ల రాకపోవడంతో వెలవెల బోతున్నాయి.

ప్రదీప్ చిలికూరి దర్శకత్వం వహించిన ఈ సినిమాలో సోహైల్ ఖాన్ తో పాటు సాయి మంజ్రేకర్ కథానాయికగా నటించింది.