ఇప్పటికే తమిళంలో బిగ్ బాస్ సీజన్ 3 ప్రారంభమైంది, ఇక తెలుగుతో కూడా బిగ్ బాస్ సీజన్ 3 మరికొద్ది రోజుల్లో ప్రారంభం కానున్న నేపథ్యంలో ప్రచార కార్యక్రమాలను జోరుగా నిర్వహిస్తున్నారు బిగ్ బాస్ నిర్వాహకులు. ఇప్పటికే బిగ్ బాస్ సీజన్ 3కి సంబంధించిన ప్రోమో రిలీజ్ చేయగా అందులో కనిపిస్తున్న హోస్ట్ నాగార్జునగా కన్ఫామ్ కాగా, ఇంకా ఇంటి సభ్యులుగా ఎవరెవరు ఎంటర్ కాబోతున్నారనే దానిపై ఎలాంటి అప్‌డేట్ ఇవ్వలేదు.
తెలుగులో బిగ్ బాస్ ఫస్ట్ సీజన్ మొదలైనప్పటి నుంచే బుల్లితెర ప్రేక్షకుల నుండి మంచి ఆదరణను పొందింది. ఇక ఈ సీజన్‌లో ఎన్టీఆర్ హోస్టింగ్ చేయడంతో ఈ షోకి సూపర్ పాపులారిటీ వచ్చేసింది. ఆ తర్వాత ఆ పాపులారిటీని అలాగే పెంచుతూ న్యాచురల్ స్టార్ నాని బిగ్ బాస్ సీజన్ 2ను విజయవంతం చేశారు. ఇక సీజన్ 3పై అంచనాలు పెరిగిపోవడంతో ఈ హోస్టింగ్ బాధ్యతలను సీనియర్ హీరో నాగార్జునకు అప్పగించారు.
అలాగే మరో కారణం ఏమిటంటే పాపులారిటీ, అవకాశాల కోసం ఇందులో పాల్గొనడానికి ఒప్పుకునే సెలబ్రిటీలు గత రెండు సీజన్లలో విన్నర్లుగా నిలిచిన శివబాలాజీ, కౌశల్ పరిస్థితి చూసి వెనకడుగు వస్తున్నారంట.
