బాలీవుడ్ బ్యూటీ అనుష్క శర్మ సల్మాన్‌తో రూ.300 కోట్ల క్లబ్‌లోకి అడుగు పెట్టబోతున్నట్లు తెలిసింది. బాలీవుడ్ కండల వీరుడు సల్మాన్ ఖాన్‌తో కలిసి నటించిన సుల్తాన్ మూవీ బ్లాక్ బస్టర్ కావడంతో విపరీతమైన వసూళ్లు వస్తున్నాయి. ఈ మూవీతో మరోసారి రూ. 300 కోట్ల క్లబ్‌లోకి అడుగు పెట్టడం ఖాయమనిపిస్తోంది. ఇప్పటికే రూ. 300 కోట్లను పీకే కలెక్షన్ చేసింది.
అమీర్‌తో అనుష్క శర్మ నటించిన ఆ సినిమా.. ఎన్నెన్నో రికార్డులకు బ్రేక్ చేసింది. అయితే ఈ మార్క్‌ను భజరంగీ భాయ్ జాన్ అందుకోగలగింది. సల్మాన్ చేసిన ఈ చిత్రం చాలా రికార్డులను తిరగరాసింది. ప్రస్తుతం రిలీజైన సుల్తాన్ సినిమా ఐదు రోజుల్లోనే రూ. 190 కోట్ల వసూళ్లను రాబట్టేసింది. రెండో వారాంతం చివరికల్లా సుల్తాన్ 300 కోట్లకు చేరడం ఖాయంగా కనిపిస్తోంది.
