విల‌క్ష‌ణ న‌టుడు సముద్ర‌ఖని, విన‌య్ వ‌ర్మ, తేజ కాకుమాను, ప్ర‌శాంత్ కీలక పాత్ర‌ధారులుగా ఏయు అండ్ ఐ స్టూడియోస్ బ్యాన‌ర్‌పై ప‌ద్మ‌నాభ‌రెడ్డి నిర్మిస్తోన్న చిత్రం 'ఆకాశవాణి'. రాజ‌మౌళి వ‌ద్ద ద‌ర్శ‌క‌త్వ శాఖ‌లో ప‌ని చేసిన అశ్విన్ గంగ‌రాజు ఈ చిత్రాన్ని తెరకెక్కిస్తున్నారు. ఈ సినిమా నుంచి శుక్రవారం చిత్ర యూనిట్‌ 'దిమ్‌ సారె..' అనే లిరికల్‌ పాటను విడుదల చేసింది. ఓ గూడెంలోని ప్రజలందరూ చాలా బాధగా ఉంటారు. అలాంటి సందర్భంలో అందరూ ఆనందంగా ఉండాలని, సంతోషంగా జాతర జరుపుకోవాలని అనుకునే సందర్భంలో ఈ పాటను చిత్రీకరించారు. అనంత్‌ శ్రీరామ్‌ రాసిన ఈ పాటను అనురాగ్‌ కులకర్ణి ఆలపించారు.
