కోలీవుడ్ బ్లాక్ బస్టర్ సినిమా 96. విజయ్ సేతుపతి, త్రిష జంటగా నటించిన ఈ చిత్రం రికార్డుల పంట పండించింది. ముఖ్యంగా త్రిష ఖాతాలో పదికి మించిన అవార్డులు వచ్చి చేరాయి. ప్రేమ కథా నేపథ్యంలో తెరకెక్కిన ఈ సినిమా ప్రేక్షకులను భారీ స్థాయిలో ఆకట్టుకుంది.
96లోని జాను పాత్రకు ఇప్పటివరకు 11 అవార్డులు వచ్చాయంటూ అవార్డులతో దిగిన ఫొటోను ట్విట్టర్ లో పోస్ట్ చేసింది. ఇంకా తనకు వచ్చిన దీవెనలను కూడా లెక్కిస్తున్నానని తెలిపింది. ‘96’కు 11 అవార్డులు, హేజూడ్(మలయాళం) సినిమాకు 3 అవార్డులు.. మీ ప్రేమకు కృతజ్ఞతలు అని త్రిష ట్వీట్ చేసింది. గత ఏడాది అక్టోబర్ 4న విడుదలైన ‘96’ చిత్రం సంచలన విజయం సాధించింది.
విజయ్ సేతుపతి, త్రిష నాయకా నాయికలుగా నటించగా, సి. ప్రేమ్ కుమార్ దర్శకత్వం వహించారు. బిగ్గెస్ట్ బ్లాక్ బస్టర్‌గా నిలిచిన ఈ సినిమాను తెలుగులో కూడా రీమేక్ చేస్తున్నారు. ఇందులో శర్వానంద్, సమంతలు నాయకా నాయికలుగా నటిస్తున్నారు.
