చర్మ సంరక్షణ కోసం రకరకాల క్రీములు వాటికి సంబంధించిన ఉత్పత్తుల్ని తరచుగా వాడడం చర్మ ఆరోగ్యానికి అంత మంచిది కాదు. ఇలాంటి ఉత్పత్తులను ఉపయోగిస్తే చర్మంపై దద్దుర్లు ఏర్పడి.. కందినట్లుగా మారుతుంది. అలానే మృతుకణాలు తొలగించేందుకు రకరకాల స్క్రబ్‌లు వాడుతుంటారు. ఈ స్క్రబ్స్ వాడితే చర్మం కాంతివంతంగా మారుతుంది.. కానీ, అదే పనిగా ఈ స్క్రబ్స్ వాడితే చర్మం పొడిబారుతుంది.
రోజూ ఓ కప్పు కాఫీ తాగడం చాలామందికి అలవాటు. అవసరానికి మించి ఎక్కువగా తాగడం అంత మంచిది కాదు. దానివలన చర్మం పొడిబారినట్లవుతుంది. దాంతో శరీరం తేమను కోల్వోతుంది. కాబట్టి కాఫీలు తగ్గించి నీరు, ఇతర ద్రవపదార్థాలు తీసుకోవడం మంచిది.
