కొత్త స్ట‌యిల్ లో రాజ‌కీయాల‌కు ముంద‌డుగు వేసిన పవన్ క‌ల్యాణ్ జ‌న‌సేన‌కు స్పంద‌న క‌నిపిస్తోంది. ఆ పార్టీ అధినేత త‌న ఉగ్ర రూపాన్ని నిన్న జనసేన స‌మావేశంలో చూపించి, 24 గంట‌లు తిర‌గ‌క‌ముందే, దాని ప్ర‌భావం క‌నిపిస్తోంద‌ని జ‌న సైనికులు చెపుతున్నారు. రాష్ట్ర వ్యాప్తంగా దెబ్బ‌తిన్న రోడ్లను శ్ర‌మ‌దానంతో మ‌ర‌మ్మ‌తు చేయ‌డానికి జ‌న‌సైనికులు క‌ద‌లి వ‌స్తున్నార‌ని తెలిసి, అధికార యంత్రాంగం అప్ర‌మ‌త్తం అయింది. ఆకస్మాత్తుగా ప్రభుత్వంలో చలనం క‌నిపించింది.
ధవళేశ్వరం కాటన్ బ్యారేజ్ పైకి తరలివస్తున్నాడని తెలుకున్న ప్రభుత్వం నిన్న అర్ధరాత్రి 12 గంటలకు రోడ్డు మరమ్మతులు చేపట్టింది. ఇప్ప‌టికే ద‌వ‌ళేశ్వ‌రం బ్యారేజిపై జనసేన శ్ర‌మ‌దానం చేస్తామ‌ని పోలీసుల‌కు స‌మాచారం అందిస్తే, దానికి ప‌ర్మిష‌న్ లేద‌ని అధికారులు స‌మాధాన‌మిచ్చారు. బ్యారేజిపై రోడ్డు మరమ్మతులు ప్ర‌బుత్వ‌మే చేయాల‌ని, ఎలా ప‌డితే అలా రోడ్డులు వేయ‌డానికి వీలు లేద‌ని ఆర్. అండి బి అధికారులు చెప్పారు. పైగా అది తమ ప‌రిధిలోకి రాద‌ని కూడా చెప్పారు. ఈ ద‌శ‌లో పవన్ క‌ల్యాణ్ ప‌ర్య‌ట‌న స‌మీపిస్తుండ‌టంతో వ‌డివ‌డిగా అధికారులు గుంత‌లు పూడ్చి, బ్యారేజిపై రోడ్డు బాగు చేసే ప‌నిని చేప‌ట్టారు.
