కడప జిల్లాలో ఒక యువతి కత్తితో హల్చల్ చేసింది. తనకు సంబంధించిన భూములపై విచారణ చేసేందుకు వచ్చిన రెవిన్యూ, పోలీసుల అధికారులను కత్తితో చంపేస్తానని బెదిరించింది. యువతి చేస్తున్న రాద్దాంతం చూసి పోలీసులే భయపడి వెనక్కి వెళ్ళిపోయారు. చిట్వేలు మండలం కందులవారిపల్లిలో అనసూయమ్మకు 8 ఎకరాల స్థలం ఉంది. ఆ స్థలం పక్కనే స్మశానం కూడా ఉంది.
ఈ భూముల్లో కొంత మీరు ఆక్రమించారు. మీ స్థలం ఇది కాదంటూ రెవిన్యూ అధికారులు చెబుతుండగా కవిత కత్తితో రెవిన్యూ అధికారులను బెదిరించింది. ఎవరైనా స్థలంలోకి వస్తే నరికేస్తానంటూ బెదిరింపులకు దిగింది. విషయం తెలుసుకున్న పోలీసులు కూడా స్థలం వద్దకు చేరుకున్నారు. పోలీసులను కూడా కవిత బెదిరించడంతో వెనుతిరిగి వెళ్లిపోయారు. యువతిపై పోలీసులు కేసు నమోదు కూడా చేశారు.
