అధికారంలోకి వచ్చాక పాలనా వికేంద్రీకరణ పేరుతో రాజధాని ప్రాంతంలో శాసన రాజధాని ఉంటుందని ప్రకటించారు. ఈ ప్రాంతంలోని భవనాలను, భూములను ఎలా వినియోగించుకోవలనేదానిపై సిఎస్‌ అధ్యక్షతన కమిటీ కూడా ఏర్పాటు చేశారు.
అయితే భూ సమీకరణ (ల్యాండ్‌పూలింగ్‌)లో ఒక నిర్ధిష్ట ప్రయోజనాల కోసం తీసుకున్న ఈ భూముల్లో కొన్నింటినే ఎలా వెనక్కు ఇవ్వాలనేదానిపై కసరత్తు చేయల్సివుది. ఈ ప్రక్రియలో చట్టపర చిక్కులు కూడా ఎదురయ్యే అవకాశముంది. వైసిపి అధికారంలోకి వచ్చిననాటి నుంచి కొన్ని గ్రామాల భూములను రాజధాని పరిధి నుంచి మినహాయించే దిశగా అడుగులేస్తోంది.
తొలుత ఉండవల్లి, పెనుమాకను తాడేపల్లి మున్సిపాలిటీలో కలిపింది. అనంతరం ఎర్రబాలెం, నిడమర్రు, కృష్ణాయపాలెం, కురగల్లు, బేతపూడి, నీరుకొండ గ్రామాలను మంగళగిరి మున్సిపాలిటీలో కలిపింది. నోటిఫికేషన్లు ఇచ్చి ప్రజాభిప్రాయం సేకరించింది.
జనవరిలో జరిగిన క్యాబనెట్‌ సమావేశంలో తాడేపల్లి, మంగళగిరి మండల పరిధిలోని గ్రామాలన్నీ కలిపి అతిపెద్ద కార్పొరేషన్‌గా ఏర్పాటు చేయాలని, దీనికి సంబంధించిన డిపిఆర్‌ సిద్ధం చేయాలని సిఎం ఆదేశించారు. ఇందుకోసం రూ.1100 కోట్లు నిధులు కేటాయించారు.
