ఓ కానిస్టేబుల్‌తో వివాహేతర సంబంధం కొనసాగిస్తూ వచ్చిన భార్యను మరో ఖాకీ భర్త రెడ్‌హ్యాండెడ్‌గా పట్టుకున్నాడు. ఆ తర్వాత వీరిద్దరి బాగోతాన్ని ఇరుగుపొరుగువారిని పిలిచి చూపించి పరువు తీశాడు. కానిస్టేబుల్‌తో కలిసి ఇంట్లో తన భార్య అసభ్యకర భంగిమలో ఉండటాన్ని గమనించిన ఆ భర్త... తలపుకు గడియపెట్టి స్థానికులను పిలిచిమరీ చూపించాడు.
తాజాగా వెలుగులోకి వచ్చిన ఈ వివరాలను పరిశీలిస్తే, వరంగల్లో సీఆర్‌పీఎఫ్‌ కానిస్టేబుల్‌గా పని చేస్తున్న ఆతకూరి కొండల్ రావుకు సంధ్య అనే మహిళతో గత 2016లో వివాహమైంది. ఈయన తన తల్లిదండ్రులతో కలిసి కోదాడ శ్రీమన్నారయాణ కాలనీలో నివాసముంటున్నాడు.
ఈ క్రమంలో సూర్యపేట జిల్లా కోదాడకు చెందిన కుర్రాడపు వెంకటేశ్వర్లు అనే కానిస్టేబుల్‌ సూర్యపేట పోలీస్‌ స్టేషన్‌లో విధులు నిర్వహిస్తున్నాడు. ఈయనకు కొండల్ రావు భార్య సంధ్యతో పరిచయం ఏర్పడి, అది వివాహేతర సంబంధానికి దారితీసింది.
అయితే, గత కొన్ని రోజులుగా భార్య ప్రవర్తనలో మార్పు గమనించిన కొండల్ రావు... ఆమెపై నిఘా పెట్టాడు. ఈ నేపథ్యంలో శనివారం రాత్రి వెంకటేశ్వర్లుతో కలిసి సంధ్య ఓ ఇంట్లో ఏకాంతంగా ఉండటాన్ని కొండల్ రావు గమనించాడు.
