ఏపీ సీఎం చంద్రబాబుపై వైకాపా ఎమ్మెల్యే రోజా తీవ్రస్థాయిలో మండిపడ్డారు. ''నాతో పెట్టుకుంటే నువ్వు ఫినిష్'' అని గతంలో వైఎస్ రాజశేఖర రెడ్డితో అన్నారని.. అదే రోజు హెలికాప్టర్ ప్రమాదంలో వైఎస్సార్ ప్రాణాలు కోల్పోయారని చెప్పారు. తన రాజకీయ ఎదుగుదల కోసం చంద్రబాబు ఎవరినైనా అడ్డు తొలగించుకుంటారని రోజా ఆరోపించారు.
దేశం, రాష్ట్రాలు బాగుండాలంటే చంద్రబాబును భారత్ నుంచి తరిమికొట్టాలని పిలుపునిచ్చారు. కేంద్రంతో సఖ్యత కారణంగా.. కాంగ్రెస్ పార్టీ చీఫ్ రాహుల్ గాంధీ, బీజేపీ నేతలతో చంద్రబాబు సమావేశమవుతున్నారన్నారు. ఏపీ ప్రభుత్వం జగన్‌కు భద్రతను పెంచుతుందన్న నమ్మకం తమకు లేదనీ, జగన్‌ను తామే కాపాడుకుంటామని స్పష్టం చేశారు.
