విజయ పవన్ కుమార్ గారూ.. 2016లోపు సంతాన ప్రాప్తి కలదు..
శుక్రవారం, 27 డిశెంబరు 2013 (17:40 IST)
FILE
విజయ పవన్ కుమార్- చీరాల:
మీరు షష్ఠి మంగళవారం, మేషలగ్నము, రోహిణి నక్షత్రం, వృషభరాశి నందు జన్మించారు. కుటుంబ, ధనస్థానము నందు చంద్ర రాహువులు ఉండటం వల్ల, సంపాదన బాగున్నా సంపాదనకు మించి ఖర్చులు అవుతాయి.
సంతాన స్థానము నందు బుధ, శుక్ర, కుజులు ఉండటం వల్ల, పుత్ర గణపతి వ్రతం చేయండి. 2016లోపు మీకు సంతాన యోగం ఉంది. 2017 నుంచి గురు మహర్ధశ 16 సంవత్సరములు ఆర్థికాభివృద్ధిని, పురోభివృద్ధిని ఇస్తాడు.
మీ భార్య శ్రవంతి: మీ భార్య ఏకాదశి శనివారం, మీనలగ్నము, ఉత్తరాభాద్ర నక్షత్రం, మీన రాశి నందు జన్మించారు. సంతాన స్థానాధిపతి అయిన చంద్రుడు కుజునితో కలయిక వల్ల సంతాన యోగం బాగుగా ఉంది. 2016లోపు సంతాన ప్రాప్తి కలదు.
2014 చివరి వరకు అష్టమ శనిదోషం ఉన్నందువల్ల ఆరోగ్యములో చిన్న చిన్న చికాకులు, అశాంతి వంటివి ఎదుర్కొంటారు. ప్రతి రోజు ఈ క్రింది శ్లోకాన్ని పడమర వైపు తిరిగి 19 సార్లు పఠంచినట్లైతే సర్వదా శుభం కలుగుతుంది. సంతాన వేణుగోపాల స్వామిని ఆరాధించండి. ఫలితం ఉంటుంది.
