పెదవుల అందం కోసం లిప్ బామ్‌లు వాడుతున్నారా..? అయితే జాగ్రత్తలు పాటించండి అంటున్నారు బ్యూటీషన్లు. సూపర్ మార్కెట్లలో లభించే లిప్ బామ్స్ ఏవి పడితే అవి వాడేయకుండా.. వాటి మ్యానుఫాక్చర్ డేట్ చూసి కొనడం నేర్చుకోవాలి. ఇక పెదాలపై ఉన్న మృతకణాలు తొలగిపోకుండా లిప్‌బామ్‌ రాయడం వల్ల ప్రయోజనం ఉండదు. అలాచేస్తే పగిలిన చర్మంతో.. పెదాలు చూడ్డానికి ఏ మాత్రం బాగుండవు.
మార్కెట్లో మృతకణాలు తొలగించే ఎక్స్‌ఫోలియేటర్లూ, పెదాలని మెరిపించే మాయిశ్చరైజర్లు కలిసిన లిప్‌బామ్‌లను వాడటం మంచిదని బ్యూటీ నిపుణులు అంటున్నారు. లిప్‌బామ్‌ అంటే కేవలం పెట్రోలియం జెల్లీతో చేయాలనే నిబంధనేమీ లేదు. పూర్తిగా కొబ్బరికొవ్వుతో చేసినవీ ఉన్నాయి. అవి రోజంతా పెదవులని తాజాగా ఉంచుతాయి.
