పొడిబారిన చర్మానికి సూపర్ ఫేస్ ప్యాక్ ట్రై చేయండి. బజార్లో అరటిపండు పొడి మొదలు బొప్పాయి, స్ట్రాబెర్రీ, ద్రాక్ష పొడి లాంటివి దొరుకుతాయి. వీటిని తెచ్చుకుని నిర్దేశిత పాళ్లలో కలుపుకుని నిల్వ చేసుకోవాలి. ఈ పండ్లను అరటి పండు పొడి, పాల పొడి, మొక్క జొన్న పిండిని చేర్చి ఫేస్ ప్యాక్‌లా వేసుకుంటే చర్మం మృదువుగా తయారవుతుంది.
ఐదు చెంచాల చొప్పున అరటి పండు పొడి, పాలపొడి, మొక్కజొన్న పిండి తీసుకుని అన్నింటినీ బాగా కలపాలి. ముఖానికి వేసుకోవాలనుకున్నప్పుడు కొద్దిగా తీసుకుని పాలతో పేస్టులా చేసుకుని ముఖానికి రాసుకోవాలి. ఈ ప్యాక్ పొడి చర్మం ఉన్నవారికి బాగా ఉపయోగపడుతుంది. చర్మాన్ని తాజాగా మారుస్తుంది.
