మొటిమలు.. టీనేజ్ వయస్సులో యువతీయువకులను చాలా ఇబ్బంది పెట్టే సమస్య. శ్వేద గ్రంథులకు సంబంధించిన వ్యాధినే మొటిమలు అంటారు. హార్మోన్లలో లోపం, కాలుష్యం కారణంగా మొటిమలు వస్తాయి. ముఖం మీదే కాదు మెడ, ఛాతిపైన వస్తుంటాయి. వీటి నుంచి బయట పడడానికి వివిధ రకాల క్రీములు ఉపయోగిస్తున్నా ఫలితం లేకుండా పోతోంది.
మొటిమలు ఉన్న వారు ప్రతిరోజు మూడుపూటలు సబ్బుతో ముఖం కడుక్కోవాలి. ఇంట్లో ఉన్న పండ్లు, కూరగాయలతో స్కబ్ చేస్తుంటే మొటిమలు తగ్గిపోతాయి. ముఖ్యంగా ఆకుకూరలు ఎక్కువగా తీసుకోవాలి. పాలకూరను మరింత ఎక్కువగా తీసుకోవాలి. పాలకూరలోని విటమిన్-ఎ శరీరంలో పేరుకుపోయిన బ్యాక్టీరియా ట్యాక్సిన్‌లను బయటకు పంపేస్తోంది.
కొంతమందికి సబ్బులు పడవు. అలాంటి వారు సున్నిపిండిని ఉపయోగిస్తే చాలా మంచిది. క్యారెట్ జ్యూస్ తీసుకోవడం వల్ల చర్మవ్యాధుల నుంచి దూరంగా ఉంటాం. నిమ్మతో కూడా మొటిమలపై రుద్దితే తగ్గిపోతాయి. చిన్నపుండ్లు ఉంటే వాటిపైనా నిమ్మతో రుద్దాలి. మొటిమలను అసలు రుద్దకూడదు. మొటిమలు గిల్లితే సెప్టిక్ అయ్యే అవకాశం వుంటుంది.
